සුළි කුණාටුව ඉදිරි පැය 24 තුළදී චන්ඩ මාරුතයක් වන ලකුණු .
බෙංගාල බොක්කේ වර්ධනය වෙමින් පවතින අම්ෆන් සුළි කුණාටුව ඉදිරි පැය 24 තුළදී චන්ඩ මාරුතයක් බවට වර්ධනය වනු ඇති බව ඉන්දීය කාලගුණ විද්‍යා දෙපාර්තමේන්තුව පවසයි .
මේ වනවිට දකුණු ඉන්දියාවේ ඔඩිෂා වෙරළට කිලෝමීටර් 1,250 ක් ඈතින් ස්ථානගත වී ඇති සුළි සුළං පද්ධතියේ වේගය පැයට කිලෝමීටර් 95 දක්වා වර්ධනය වනු ඇති සදහන් වේ .
මෙම සුළි සුළං පද්ධතියේ බලපෑමෙන් ලංකාවේ නිරිත දිග ප්‍රදේශවලට මේ වනවිට අධික වැසි සහිත කාලගුණයක් ඇතිවී ඇත .