පෙරටුගාමී පක්ෂයට අධිකරණයෙන් තහනම් නියෝගයක්.
පෙරටුගාමී සමාජවාදී පක්ෂය විසින් සංවිධානය කළ උද්ඝෝෂණයක් පැවැත්වීම වළක්වාලමින් කොටුව මහේස්ත්‍රාත් අධිකරණය විසින් වාරණ නියෝගයක් පනවා තිබේ.
මෙරට පිහිටි අමෙරිකානු තානාපති කාර්යාලය ඉදිරිපිට හෝ ඒ අවට ප්‍රදේශයේ මෙම විරෝධතාවය පැවත්වීමට අදාළ පක්ෂය විසින් කරුණු සුදානම් කර ඇති බවට වූ තොරතුරු හේතුවෙන් කොටුව පොලිස් ස්ථානාධිපතිවරයා විසින් කොටුව මහේස්ත්‍රාත් අධිකරණයට කරුණු වාර්තා කර ඇත.
ඒ අනුව මෙම වාරණ නියෝගය ලබාදුන් බව පොලිස් මාධ්‍ය ප්‍රකාශක පොලිස් අධිකාරි ජාලිය සේනාරත්න ප්‍රකාශ කර සිටියේය.