රටේ සිදුවන සියලුම අපරාධ සම්බන්ධයෙන් ආණ්ඩුවට සහ දේශපාලනඥයන්ට සෘජුව ඇඟිල්ල දිගුකළ නොහැකි වුවත් පවතින දේශපාලන තත්වය වක්ර ලෙස අපරාධ සිදුවීමට උත්තේජනයක් සපයන බව නීතිඥ ජගත් අබේනායක පවසයි.
මෑතකදී සිදුවුණු උද්ඝෝෂණ සම්බන්ධයෙන් පොලීසිය හැසිරුණු ආකාරය විසංවාදී අදහස් ඉවසගත නොහැකි පාලකයන් මර්දන යාන්ත්රණය මුදාහරිමින් තිබෙන බවද ඔහු පවසයි. මෙම තත්වය ඒකාධිපතිත්වය දෙසට පියවර තැබීමක් ලෙස දැකිය හැකි බවත් විවිධ දේශපාලන අදහස් දක්වන පුද්ගලයන්ට එම අදහස් ප්රකාශ කිරීමට අයිතියක් තිබිය යුතු බව ද ජගත් අබේනායක අවධාරණය කරයි.