අල්ලස් කොමිසමට යන්න රනිල් සුදානම්.
කෝප් වාර්තාව නිකුත් වූ පසු හඬ නගන පිරිසෙන් ඇතැමෙකු චෝදනාවලට ලක්වූවන් බවත් ඔවුන් එසේ හඬ නගන්නේ තමන්ගේ ම නිරුවත වසා ගැනීමට යැයි අගමැති රනිල් වික්‍රමසිංහ පවසයි.අල්ලස් කොමිසම තමාගෙන් ප්‍රකාශයක් අවශ්‍ය යැයි දැන්වුවහොත් ඒ සඳහා ඉදිරිපත්වන බවද අගමැතිවරයා වැඩිදුරටත් සදහන්කර සිටියේ ය.
අමාත්‍ය සරත් ෆොන්සේකා වෙත එක්සත් ජාතික පක්ෂයේ කැලණිය ආසන සංවිධායක ධුරය පිරිනමමින් එම පක්ෂ මූලස්ථානයේදී අග්‍රාමාත්‍ය රනිල් වික්‍රමසිංහ මහතා මේ කරුණු සඳහන් කළේය.
නීතියේ ආධිපත්‍යය වෙනුවෙන් කැපවූ පිරිසගේ අරමුණ යහපාලනය ආරක්ෂා කිරීම බව පෙන්වා දුන් අගමැතිවරයා, කුමන හෝ කරුණක් වේ නම් එය නීතියෙන් විසඳිය යුතු බව වැඩි දුරටත්මෙහිදී කියා සිටියේය.