යටත්වනු,නැතිනම් මියයනු.
ඉස්ලාමීය රාජ්‍ය කැරලිකරුවන් අත පවතින අවසන් බලකොටුව වන මෝසුල් නගරය කරා ඉරාක විශේෂ හමුදා ළඟා වෙමින් සිටින බව විදෙස් පුවත් වාර්ථා සදහන් කර සිටියි.
ආයුධ බිම තබා සිය හමුදා වෙත යටත් වන ලෙස රාජ්‍ය මාධ්‍ය ඔස්සේ ජාතිය ඇමතූ ඉරාක අගමැති හයිදර් අල් අබාදි මෝසුල් නගරයේ සිටින අයිඑස් කැරලිකරුවන්ගෙන් ඉල්ලා සිටි බව සදහන් වේ.
“ඔවුන්ට වෙනත් විකල්පයක් නැහැ. යටත් වෙන්න පුළුවන් නැතිනම් ඔවුන්ට මිය යා හැකියි.” අගමැතිවරයා සඳහන් කළේය.මෝසුල් නගරයේ නැගෙනහිර කලාප සීමාවට කිලෝමීටරයක් දුරින් සිට ප්‍රහාර එල්ල කරන ඉරාක හමුදා නගරයට ඇතුළු වීමට සුදානම් වෙමින් සිටින බවයි.
ඉදිරියට ඇදෙමින් බලය තහවුරු කර ගනිමින් සිටින ඉරාක හමුදා වෙත ප්‍රතිප්‍රහාර එල්ල කරන අයිඑස් කැරලිකරුවෝ පුපුරන ද්‍රව්‍ය පිරවූ මෝටර් රථ යොදා ගනිමින් මරාගෙන මැරෙන බෝම්බ ප්‍රහාර එල්ල කරමින් සිටිති.
(BBC වර්ථා ඇසුරෙනි.)