මේ රටේ ඉතිහාසය පුරාම හැම ආණ්ඩුවක්ම බලයට එන්න පාවිච්චි කළේ මේ වගේ බොරු.
මේ අතර මහ බැංකු හොරු අල්ලා දඬුවම් දෙන බව ජනාධිපතිවරණ වේදිකාවේ පැවසුවද දැන් ඒ ගැන කතාවක් නැති බවයි සුනිල් හදුන්නෙත්ති සඳහන් කරන්නේ. නාස්තිය දූෂණය නතර කිරීමේ කතා නැවතී තිබෙන අතර සියල්ල යට ගොස් ඇති බවත් දැන් ටොප් ටෙන් කණ්ඩායම හොයා ගැනීමටද නැති බවත් ඔහු කියා සිටියි.
දැන් 2/3 හදාගන්න හොරුත් එක්කම එකතු වෙන්න සිද්ධවෙලා. ඉතිහාසය පුරාම හැම ආණ්ඩුවක්ම බලය ගත්තෙත් එය පවත්වාගෙන ගියෙත් ඔය වගේ බොරුවලින්ම තමයි. මේ වන විට කොරෝනා වසංගතයත් පාවිච්චි කරමින් මේ ආණ්ඩුව බොරුව සහ වංචාව ජනගත කරමින් සිටින බවයි සුනිල් හදුන්නෙත්ති කියාසිටින්නේ
කෙසේවෙතත් බැඳුම්කර වංචාවට එරෙහිව නීතිය හරියටම ක්‍රියාත්මක වුණා නම් අද මේ පිල් දෙකේ එකසිය ගණනකට ඡන්දය ඉල්ලීමට ඉඩක් නොලැබෙන බව පෙන්වාදෙන ඔහු වැඩිදුරටත් පවසන්නේ එම වංචාවලට එරෙහිව අවසන් නොවන අරගලයක් ඇති බවයි.