100 කට අධික ලාංකික කතුන් මාලදිවයිනේ ගණිකා වෘත්තියේ.
මාලදිවයිනේ ගණිකා වෘත්තිය සඳහා මාලදිවයිනට ශ්‍රී ලාංකික කාන්තාවන් යැවූ ජාවාරමක ප‍්‍රධාන සැකකරුවන් දෙදෙනෙකු විදේශ සේවා නියුක්ති කාර්යාංශය විසින් අත්අඩංගුවට ගෙන ඇත.
සැකකරුවන් කඩුවෙල මහේස්ත‍්‍රාත් අධිකරණයට ඉදිරිපත් කිරීමෙන් පසු මේ මස 21 වැනිදා දක්වා රක්‍ෂිත බන්ධනාගාර ගතකර තිබේ.
එක් කාන්තාවකට මසකට රු. 150,000ක වැටුපක් ලබා දෙමින් අදාල සැකකරුවන් දෙදෙනා විසින් මේ වනවිට ලාංකික කාන්තාවන් 100කට අධික ප‍්‍රමාණයක් මාලදිවයිනේ ගණිකා වෘත්තිය සඳහා යොදවා ඇති බව විදේශ සේවා නියුක්ති කාර්යාංශය නිකුත් කළ නිවේදනයක සදහන් වෙයි.
මෙම ජාවාරමට සම්බන්ධ බංග්ලාදේශ ජාතිකයෙකු අත්අඩංගුවට ගැනීම සඳහා පරීක්‍ෂණ කටයුතු සිදුකරන බව එම කාර්යාංශය වැඩි දුරටත් සඳහන් කරයි.