ඇලෙක්සි නවාල්නි ජර්මනියට.
විෂ ශරීරගත වීම නිසා දැඩි ලෙස රෝගාතුර වී සිටින රුසියාවේ විපක්ෂ නායක මෙන්ම එරට දුෂණ විරෝධී අරගලයේ ප්‍රභල නායකයෙකු වන 44 වැනි වියේ පසු වන ඇලෙක්සි නවාල්නි හදිසි වෛද්‍ය ප්‍රතිකාර සඳහා ගුවන් මගින් ජර්මනියට රැගෙන ගොස් තිබේ.
රුසියානු ජනාධිපති ව්ලැදිමීර් පුටින් නිරන්තරයෙන් විවේචනය කරන එරට විපක්ෂ නායකයා ලෙස ද සැලකෙන ඇලෙක්සි නවාල්නි ගුවන්ගමනක් යෙදෙන අතරතුර යම් අසනීප තත්වයක් ඇති වී තිබේ. ඒ හේතුවෙන් ඔහු ගමන් කරමින් සිටි ගුවන්යානය ඕමිස්ක් ගුවන්තොටුපලට ගොඩබස්සවා සිහිසුන්ව සිටි ඔහු සයිබීරියාවේ ඕම්ස්ක් නගරයේ රෝහලක් වෙත ඇතුළත් කර තිබිණි. යම් අයකු ඔහුට වස දී ඇතැයි වෛද්‍යවරුන් සැක කරන බවත් විදෙස් මාධ්‍ය ඉකුත් දා වාර්තා කර තිබිණි.