චොකා මල්ලීට පාර්ලිමේන්තුවේ දිවුරුම් දෙන්න බෑ.
මනුෂ්‍ය ඝාතනයක් සම්බන්ධයෙන් වරදකරු බවට මහාධිකරණය විසින් තීන්දු කර මරණීය දණ්ඩනය නියම කර ඇති ශ්‍රී ලංකා පොදුජන පෙරමුණේ රත්නපුර දිස්ත්‍රික් අපේක්ෂක ප්‍රේමලාල් ජයසේකර හෙවත් චොකා මල්ලීට පාර්ලිමේන්තු මන්ත්‍රීවරයකු ලෙස දිවුරුම් දීමට නොහැකි බව නීතිපති දෙපාර්තමේන්තුව ලිඛිතව දැනුම් දී ඇතැයි වාර්තා වේ.
එහෙත් මරණීය දණ්ඩනය නියම වී සිටින අපරාධකරුවෙකු පාර්ලිමේන්තු රැස්වීමකට කැඳවාගෙන යා හැකිද යන්න පිළිබඳව බන්ධනාගාර දෙපාර්තමේන්තුව නීතිපතිවරයාගේ උපදෙස් ඉල්ලා තිබුණු අතර මැතිවරණයකදී ඡන්ද දායකයකු වීමට ඇති සුදුසුකම් සහ පාර්ලිමේන්තු මන්ත්‍රීවරයකු වීමට ඇති සුදුසුකම් පිළිබඳ ආණ්ඩුක්‍රම ව්‍යවස්ථාවේ වගන්ති උපුටා දක්වමින් නීතිපති දෙපාර්තමේන්තුව පෙන්වා දී ඇත්තේ ප්‍රේමලාල් ජයසේකරට පාර්ලිමේන්තු මන්ත්‍රීවරයකු ලෙස දිවුරුම් දීමට නොහැකි බවයි.