අලුත් විෂයය 24 ක්‌.
ගණිත විෂය අසමත් වුවත් පාසල් සිසුනට දහතුන ශ්‍රේණිය දක්‌වා අඛණ්‌ඩව අධ්‍යාපනය ලබා ගැනීම සඳහා අලුත් විෂයයන් 24 ක්‌ හඳුන්වා දෙන බව අධ්‍යාපන ඇමැති අකිල විරාඡ් කාරියවසම් පවසයි.
රොබොටෙක්‌ තාක්‍ෂණය ඇතුළුව විෂයයන් 24 ක්‌ මෙහිදී හඳුන්වා දෙන බව කී ඇමැතිවරයා ඒ යටතේ සිසු දරුවන්ට අධ්‍යාපනයක්‌ ලබා ගැනීමට හැකිවන බවද මෙම විෂයයන් විසිහතර ඉගෙන ගැනීම සඳහා ගණිත විෂය සමත්වීම අනිවාර්ය නොවන බවද ඇමැතිවරයා වැඩි දුරටත් කියා සිටියි.
එහෙත් උසස්‌ පෙළ විද්‍යා, ගණිත විෂය ධාරාවෙන් ඉගෙනීම සඳහා සාමාන්‍ය පෙළ ගණිතය සමත්වීම අනිවාර්ය බවද ඇමැති අකිල විරාඡ් කාරියවසම් කීවේය.