හමුදා නිලධාරීන්ට PHI තනතුරු ලබාදී බන්ධාගාරවල රාජකාරියට යොදවයි.
විශ්‍රාම ගිය හමුදා නිලධාරීන් මහජන සෞඛ්‍ය පරීක්ෂකවරුන් ලෙස පත්කර ඔවුන්ව බන්ධනාගාර වෙත අනුයුක්ත කිරීමට සැලසුම් කෙරෙමින් තිබෙන බව වාර්තා වේ. මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ පවසා ඇති හමුදා සේවයෙන් විශ්‍රාම ගිය හය දෙනකු මහජන සෞඛ්‍ය පරීක්ෂකවරුන් ලෙස පත්වීම් ලැබීමට නියමිතයි.
මහජන සෞඛ්‍ය පරීක්ෂකවරුන් ලෙස සෞඛ්‍ය දෙපාර්තමේන්තුව යටතේ පත්වීම් ලබන ඔවුන් බන්ධනාගාරවල සේවයට අනුයුක්ත කරන බව ඔහු වැඩි දුරටත් පවසා තිබේ. ඒ අනුව නව මහජන සෞඛ්‍ය පරීක්ෂකවරුන් හය දෙනා මීගමුව, බෝගම්බර, හම්බන්තොට හා ත්‍රිකුණාමලයේ පිහිටි බන්ධනාගාරවල සේවයේ යෙදවීමට නියමිත වේ.