පුහුණුව අවසන් ස්ථිර කරන ලෙස ඉල්ලා අභ්‍යාසලාභී උපාධිධාරීන් අදත් විරෝධතාවයක.
2019 බඳවාගත් අභ්‍යාසලාභී උපාධිධාරීන් කඩිනමින් ස්ථිර කරන ලෙස ඉල්ලා පවත්වනු ලබන උද්ඝෝෂණ මාලාවේ තවත් උද්ඝෝෂණයක් අද (01) සබරගමු පළාත් සභා කාර්යාලය ඉදිරිපිට දී ඒකාබද්ධ සංවර්ධන නිලධාරි මධ්‍යස්ථානය විසින් පවත්වන ලදී.
විරෝධතාවය අවසානයේදි පළාත් ප්‍රධාන ලේකම්තුමිය හා සාකච්ඡාවක් ද පවත්වා ඇති අතර එහිදී ඇය පවසා ඇත්තේ රාජ්‍ය සේවා, පළාත් සභා හා පළාත් පාලන අමාත්‍යංශය මගින් මේ සදහා මෙතක් අනුමැතිය ලබා දී නොමැති බවත් එම අමාත්‍යංශය ලබා දෙනු ලබන උපදෙස් අනුව ක්‍රියාත්මක වීමට බලාපොත්තු වන බවත්ය.
…ගමගේ..