උතුරුමැද පළාත් සභා කාර්යාලය ඉදිරිපිටත් සංවර්ධන නිලධාරීන් විරෝධතාවයක.
2019 බඳවාගත් අභ්‍යාසලාභී උපාධිධාරීන් කඩිනමින් ස්ථිර කරන ලෙස ඉල්ලා පවත්වනු ලබන විරෝධතා මාලාවේ තවත් විරෝධතාවක් අද (02) උතුරුමැද පළාත් සභා කාර්යාලය ඉදිරිපිට ඒකාබද්ධ සංවර්ධන නිලධාරි මධ්‍යස්ථානය විසින් පවත්වන ලදී.
මෙම උපාධ්ධාරීන් බදවා ගත්තේ වසරක පුහුණුව අවසන්වූ පසු ස්ථිර කරන ලෙස පවසා බවත් දැන් වසරකුත් මාස 4ක් පමණ ගතවී තිබියදී මේ වන තෙක් රජය ඒ සම්බන්ධයෙන් කටයුතුකර නොමැති බව පෙන්වා දෙන ධම්මික මුණසිංහ පවසන්නේ වසරකින් ස්ථිරකරන බවට ලිඛිත කැබිනට් මණ්ඩල පත්‍රිකා පවා ඉදිරිපත්කර ඇති බවයි.
විරෝධතාවය අවසානයේ උතුරුමැද පළාත් සභා කාර්යාලයේ පාලන අධිකාරිය වෙත මේ සම්බන්ධව ලිපියක් භාරදීම සදහා ඒකාබද්ධ සංවර්ධන නිලධාරි මධ්‍යස්ථානය කටයුතුකර තිබිණි.
…ගමගේ…