අද අපිට තේරෙන වචනවලින් කතා කළොත් සෞඛ්ය අමාත්යංශය සවුත්තුම අමාත්යංශයක් බවට පත්වේගෙන යන්නෙ යැයි රාජ්ය සේවා එක්සත් හෙඳ සංගමයේ සභාපති මුරුත්තෙට්ටුවේ ආනන්ද හිමියන් පවසයි.
” අපි මේක නිරන්තරවම මතක් කළා සවුත්තු අමාත්යංශයක් කරන්න එපා, සවුත්තු දෙපාර්තමේන්තුවක් කරන්න එපා කියලා. සෞඛ්ය දෙපාර්තමේන්තුවේ අද වැඩිපුරම ඉන්නෙ පළපුරුද්දක් නැති, කළ පුරුද්දක් නැති වැඩබැරි ටාසන්ලා. සෞඛ්ය අමාත්යංශයේ වත්මන් ක්රියාකාරීත්වය අනුව අපිට මේ වගේ වචන පාවිච්චි කරන්න වෙලා තියනවා.”
”අද මේ අමාත්යංශය ඇතුළෙ කෙනෙක්ගේ දුකක් කියන්න, කතා කරන්න කිසි බළධාරියෙක් නෑ. සෞඛ්ය අමාත්යංශය කියන්නෙ පවුලක් වගේ එකට තියෙන්න ඕන තැනක්. අද මේක කෑලි කෑලිවලට කඩලා දාලා, වගකියන්න කෙනෙක් නෑ, අහන්න කෙනෙක් නෑ. යැයි උන්වහන්සේ ඊයේ (01) දින කොළඹදී කැඳවා තිබූ මාධ්ය හමුවකදී පැවසීය.