ඉයෝන් ලංකා සාකච්ඡා සාර්ථක මට්ටමකට පැමිණෙයි.
ඉයෝන් ලංකා ආයතනයේ තම මුදල් තැන්පත් කළ විශ්‍රාමික ආරක්ෂක අංශ සාමාජිකයන් ඇතුළු අසාධාරණයට ලක් වූ ඉයෝන් ලංකා සාමාජිකයින්ට බලාපොරොත්තු සහගත පිළිතුරක් ලබා දීමට එම මූල්‍ය ආයතනය පවත්වාගෙන ගිය ධම්මික අතපත්තු නැමැත්තා කටයුතු කර තිබේ.
ඒ අනුව ඔහු මෙම මුදල් ආපසු ගෙවීමේ සැලැස්මක් ඉදිරිපත් කර ඇති අතර ඒ සඳහා අසාධාරණයට ලක් වූ ඉයෝන් ලංකා සාමාජිකයින්ද එකඟතාවය පල කර ඇත.
එහෙත් මෙම ආයතනය සම්බන්ධයෙන් නීතිමය කටයුතු සඳහා ලිපිගොනුව නීතිපතිවරයා වෙත යොමු කර ඇති බැවින් නීතිපතිවරයා සමග සාකච්ඡා කර ඉදිරි ක්‍රියාමාර්ග තීරණය කළ යුතු බව මහ බැංකුව පවසා තිබේ.
මේ සදහා සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න ඇතුලු පිරිසක් සහභාගී විය.