තට්ටු 12ක් ඉවත දමා තට්ටු 05කට ලක්ෂ 170ක් ගෙවයි.
අධිකරණ ඇමති මොහාමඩ් අලි සබ්‍රි රුපියල් ලක්ෂ 170ක් මාසික කුලිය වශයෙන් ගෙවා ලෝක වෙළඳ මධ්‍යස්ථානයේ නැගෙනහිර කුලුනට අමාත්‍යාංශය ගෙනයාමට සූදානම් වන්නේ අධිකරණ අමාත්‍යාංයට අයත් තට්ටු 12ක පමණ අංගසම්පූර්ණ අලුතින් ඉදිකිරණලද ගොඩනැගිල්ල කිසිදු ප්‍රයෝජනයක් නොගෙන තිබියදී බව අනාවරණය වේ.
එම ගොඩනැගිල්ල ඉදිකර ඇත්තේ ශ්‍රේෂ්ඨාධිකරණයද පිහිටි අලුත්කඩේ අධිකරණ භූමියට යාබදවය. කෙසේ වෙතත් මේ වනවිට රුපියල් ලක්ෂ 170ක මාසික කුලියක් ගෙවා ලෝක වෙළඳ මධ්‍යස්ථානයේ නැගෙනහිර කුලුනේ 20, 21, 22, 23 මහල් හා බටහිර කුලුනේ 22 වන මහලේ වර්ග අඩි 35,000ක් 2021 ජනවාරි 01 සිට 2022 දෙසැම්බර් 31දක්වා රුපියල් කෝටි 41ක් ගෙවා ලබාගැනීමට කැබිනට් අනුමැතිය හිමව තිබේ.