ජ.වි.පෙ. සහ පෙ.ස.ප. නගර කිහිපයක විරෝධතාවල.

ජනතා විමුක්ති පෙරමුණ සහ පෙරටුගාමී සමාජවාදී පක්ෂය හෙට (14) දින නගර කිහිපයක විරෝධතාවල නිරත වීමට කටයුතු සුදානම්කර ඇත.

ජ.වි.පෙ. විසින් ගාල්ලේදී ගාල්ල නගරයේ “ජාතික දේපල විකිනීමට එරෙහිව” විරෝධතාවල නිරත වීමට තීරණය කර ඇති අතර පෙ.ස.ප. විසින් “ජීවන වියදම පහත හෙලනු” යනුවෙන් ආණ්ඩුවට බලකරමින් හොරණ, කෑගල්ල, අනුරාධපුර සහ කදුරුවෙල නගරවලදී මෙම විරෝධතා දැක්වීමට නියමිතව තිබේ.

කොවිඩ් වසංගත තත්වය යටතේ උවද එම නීති රීති වලට අවනත වෙමින් ආණ්ඩුව විසින් දිගටම කරනු ලබන ජාතික සම්පත් විකණීම සහ දරාගත නොහැකි ලෙස ජීවන බර ඉහල යාමට එරෙහිව මෙම විරෝධතා සංවිධානය කර ඇත.

…ගමගේ…