හූ තියා පැන්නූ වාසු හොරෙන්ම ඇවිත් මුල්ගල තියලා.
(17)වනදා ඇහැළියගොඩ තලාවිට ප්‍රදේශයේ ජල යෝජනා ක්‍රමයකට මුල්ගල් තැබීමකට ගිය ජල සම්පාදන ඇමැති වාසුදේව නානායක්කාරට ප්‍රදේශයේ පිරිසක් විසින් හූ තියා පන්නා දමන ලදි.
ප්‍රදේශවාසීන් පවසා ඇත්තේ මේ ව්‍යාපෘතිය ආරම්භ කිරීමෙන් අනතුරුව තමන්ට ජල ගැටලුවලට මුහුණදීමට සිදු විය හැකි බවයි. එම අවස්ථාවේ විරෝධතාකරුවන් සහ ඇමැතිවරයාගේ කාර්ය මණ්ඩල සාමාජිකයන් සහ ආධාරකරුවන් අතර බහින්බස්වීමක්ද සිදුව ඇති අතර පසුව එය ගුටිබැට හුවමාරුවක් දක්වා වර්ධනය වී තිබූ බව වාර්තා වේ.
එල්ල වූ විරෝධය හමුවේ ව්‍යාපෘතියට මුල්ගල තැබීමේ කටයුතු අත්හැර දැමූ ඇමැතිවරයා එම ස්ථානයෙන් පිටව ගොස් විරෝධතාකරුවන් විසිර යාමෙන් අනතුරුව නැවත පැමිණ ව්‍යාපෘතියට මුල්ගල් තැබීම සිදු කර ඇත.