කොවිඩ් ආසාදිතයන් 15ක්…..ත්‍රිකුණාමලය පාසල් නැවත දැනුම් දෙනතුරු වසා දමයි.
කොරෝනා වෛරස ව්‍යාප්තිය සැලකිල්ලට ගනිමින් ත්‍රිකුණාමලය අධ්‍යාපන කොට්ඨාසයේ සියලු පාසල් හෙට සිට යළි දැනුම් දෙන තුරු වසා දැමීමට කටයුතු කරන්නැයි නැගෙනහිර පළාත් ආණ්ඩුකාර අනුරාධා යහම්පත් පළාත් අධ්‍යාපන ලේකම්වරයාට උපදෙස් ලබාදී ඇත. ත්‍රිකුණාමලය නගර සීමාවෙන් කොරෝනා ආසාදිතයන් 15 දෙනකු වාර්තා වීමත් සමග මෙම තීරණය ගෙන තිබේ.
ත්‍රිකුණාමලය නගරය ආසන්නයේ පිහිටි මස් අලෙවිසැලක හිමිකරුවෙකුට කොවිඩ් වෛරසය ආසාදනය වී ඇති බවට තහවුරු වීමත් සමග ඔහුගේ ආශ්‍රිතයින් ඉල්ක්ක කර ගෙන සිදුකළ රැපිඩ් ඇන්ටිජන් පරීක්ෂණයකින් අද දිනයේ ආසාදිතයින් 14 දෙනෙකු වාර්තා වී ඇත.