අග්රාමාත්ය රනිල් වික්රමසිංහ විසින් මල්වතු අස්ගිරි මහා විහාරවල අදහස් විමසා බලමින් ව්යවස්ථා සම්පාදන ක්රියාවලිය ඉදිරියට ගෙන යාමට පොරොන්දු වූ බව අස්ගිරි පාර්ශවයේ ප්රධාන ලේකඛාධිකාරී මැදගම ධම්මානන්ද නාහිමියෝ පවසති.
නව ආණ්ඩුක්රම ව්යවස්ථාව මගින් රටේ ඒකීයභාවය සහ බුද්ධාගමට හිමි ප්රමුඛ ස්ථානය එලෙසම පවත්වා ගැනීම ඇතුළු කරුණු අඩංගු ලියවිලි දෙකක් මල්වතු සහ අස්ගිරි මහනායක හිමිවරුන් දෙනම විසින් අග්රාමාත්ය රනිල් වික්රමසිංහ වෙත භාර දී ඇති බවත් කියා සිටි අස්ගිරි මහනාහිමියන් අගමැතිවරයා සමග නව ව්යවස්ථා සම්පාදනය සම්බන්ධයෙන් සාකච්ඡා කළ බවත් “ව්යවස්ථා කෙටුම්පතක් සම්පාදනය කර නොමැති අවස්ථාවක දැනට ඉදිරිපත් වී තිබෙන කමිටු වාර්තා හයේ උද්ගත වී තිබෙන කරුණු සමාලෝචනය කරලා ඒ සම්බන්ධයෙන් අපේ මහා සංඝ සභාවේ අදහස් ඉදිරිපත් කළබවත් රටේ ඒකීයභාවය, භෞමික අඛණ්ඩතාව, බුද්ධාගමට හිමි ප්රමුඛ ස්ථානය, පළාත් සභා බලතල සම්බන්ධයෙන් සංඝ සභාව වශයෙන් තමන් අගමැතිතුමාට යෝජනා ඉදිරිපත් කළ බව මැදගම ධම්මානන්ද නාහිමියෝ වැඩි දුරටත් සඳහන් කළහ.