රටකට, සමාජයකට අවශ්‍ය නායකත්වය දීමට ලේඛකයෙකුට හැකියි.
සාහිත්‍ය සම්මානලාභී ප්‍රවීන ගත්කතුවරයකු වන ජයසේන ජයකොඩි සූරීන්ගේ 81වැනි ජන්ම දින සංවත්සර උළෙල පසුගියදා කොළඹ ජාතික පුස්තකාල සේවා හා ප්‍රලේඛන මණ්ඩල ශ්‍රවණාගාරයේදී පැවැත්විණි. එහිදී ජයසේන ජයකොඩි සූරීන්ගේ බිරිද වන චන්ද්‍රා ජයකොඩි ගේ අලුත්ම නවකතාව වන නිහඩ හදවතක් කෘතිය දොරට වැඩුමද සිදුකෙරිණි. මෙහි ප්‍රධාන ආරාධිතයා ලෙස පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍ය ගයන්ත කරුණාතිලක එක්වීය. මෙහිදී අමාත්‍යවරයා රටකට, සමාජයකට අවශ්‍ය නායකත්වය දීමට ලේඛකයෙකුට හැකි බවත් ලෝක ඉතිහාසයෙහි ඊට කදිම උදාහරන ඇති බවත් පවසමින් විශේෂ දේශණයක්ද පැවැත්විණි.