“සිනෝෆාම්” චින කොවිඩ් එන්නතට එරෙහිව අධිකරණයට පෙත්සමක්.
චීනයේ නිෂ්පාදිත සිනෝෆාම් කොවිඩ් මර්ධන එන්නත මෙරට තුළ භාවිත කිරීම වළක්වාලමින් අතුරු තහනම් නියෝගයක් නිකුත් කරන ලෙස ඉල්ලා අද ශ්‍රේෂ්ඨාධිකරණය හමුවට මූලික අයිතිවාසිකම් පෙත්සමක් ඉදිරිපත් කර ඇත.
එම පෙත්සම ඉදිරිපත් කරනු ලැබ ඇත්තේ රෝගීන්ගේ අයිතිවාසිකම් සඳහා වූ මහජන ව්‍යාපාරය නමැති සංවිධානය විසින්. පෙත්සමේ වගඋත්තරකරුවන් ලෙස සෞඛ්‍ය අමාත්‍ය පවිත්‍රා වන්නිආරච්චි, ඖෂධ නිෂ්පාදන, සැපයුම් හා නියාමන රාජ්‍ය අමාත්‍ය චන්න ජයසුමන, ජාතික ඖෂධ නියාමන අධිකාරිය සහ එම අධිකාරියේ සාමාජිකයින් ඇතුළු පිරිසක් නම් කර ඇත.