සිංහල දෙමළ අලුත් අවුරුද්ද අදයි.
සුර්යා මීන රාශියෙන් මේෂ රාශියට සංක්‍රමණය වීම සමග මෙවර අළුත් අවුරුද්ද අද අළුයම 2.33 උදා විය.
අලුත් අවුරුදු නැකැත් සීට්ටුවට අනුව ආහාර පිසීමේ නැකත පෙරවරු 06.17 ට උදාවන අතර ලා කොළ පැහැති වස්ත්‍රාභරණයෙන් සැරසී නැගෙනහිර දිශාව බලා ලිප් බැඳ ගිනි මොලවා එළකිරි මිශ්‍ර කිරිබතක් ද මුංඇට මිශ්‍ර කැවිලි වර්ගයක් ද පිළියෙළ කර ගැනීම මැනවි බව නැකැත් සීට්ටුවේ සඳහන් වේ.
පෙරවරු 07.41 ට ලා කොළ පැහැති වස්ත්‍රාභරණයෙන් සැරසී නැගෙනහිර දිශාව බලා සියලු වැඩ අල්ලා ගනුදෙනු කොට ආහාර අනුභවය සිදුකළ යුතු බව ද නැකැත් සීට්ටුවේ සඳහන් වේ.