මෙරට දැඩි සත්කාර ඒකක සම්පූර්ණ ධාරිතාවයට ළඟා වෙමින් ඇතැයි කොවිඩ් රෝග පාලන රාජ්ය අමාත්ය සුදර්ශනී ප්රනාන්දුපුල්ලේ පවසයි. තරුණ ප්රජාවට වැඩි සංකූලතා පැමිණීම ඊට හේතුවී ඇති බව ඇය සඳහන් කරයි.
මෙතෙක් ක්රියාත්මක නොවූ දැඩි සත්කාර ඒකක සඳහා වහාම කාර්ය මණ්ඩල අනුයුක්ත කරමින් ක්රියාත්මක කිරීමට තීරණය කර ඇතැයි සුදර්ශනී ප්රනාන්දුපුල්ලේ රාජ්ය අමාත්යවරිය පවසයි. ලංකාවේ මේ වනවිට පවතින දැඩි සත්කාර ඒකක ඇදන් ප්රමාණය 700ක් පමණ වන බව වෛද්ය සැපයුම් අංශය සදහන් කරයි.
කොවිඩ් වසංගත තත්ත්වය තුළ නව ඇඳන් 70ක් පමණ ප්රමාණයක් ඊට එක් කළ හැකිව තිබේ. සෞඛ්ය අමාත්යාංශය රෝහල් අධ්යක්ෂවරුන් වෙත දන්වා ඇත්තේ දැඩි සත්කාර ඒකක පුහුණුව ලැබූ කාර්ය මණ්ඩල වෙනත් වාට්ටු තුළ සිටී නම් අවශ්යතාවය පරිදි ඔවුන් දැඩි සත්කාර ඒකක වෙත අනුයුක්ත කරන ලෙසය.
දැනට රෝහල් ගතකර තිබෙන විශාල රෝගීන් ප්රමාණයකට ඔක්සිජන් සැපයුම ලබා දීමට සිදුව තිබේ.