මෙරට 18% මන්දපෝෂණයෙන්….ආණ්ඩුවට ජනතාවගේ කුසගිනි නිවා ලීමටවත් නොහැකි වෙලා.
ආණ්ඩුවක් විදියට ජනතාවගේ කුසගින්න තුරන් කිරීම සදහා මූලික වශයෙන් කටයුතු කළ යුතු බව ලංකා සම සමාජ පක්ෂයේ ප්‍රධාන ලේකම් තිස්ස විතාරණ සදහන් කරයි. මෙරට ජනගහනයෙන් 18% පමණ මන්ද පෝෂණයෙන් පෙලෙන බවත් ජනගහනයෙන් 60% පමණ වන පිරිසක් ධරිද්‍රතා රේඛාවෙන් පහල මට්ටමක පසුවන බවත් පවසන ඔහු සදහන් කරන්නේ පවතින ධනවාදී ක්‍රමයන් තුල ජනතාවගේ කුසගින්න තුරන් කල නොහැකි බවයි.
රජයක් විදියට මේ වන විට ජනතාවගේ කුසගිනි නිවා ලීම සදහා බඩුමිල පවා පාලනය කරගත නොහැකි තත්වයකට පත්ව ඇති බවත් මේ හේතුව නිසාවෙන් රටේ ජනතාවගෙන් වැඩිපිරිසකට බඩගින්නසෙිටීමට සිදුව ඇති බව මෙන්ම රජය අනෙකුත් යටිතල පහසුකම් වැනි දෑ පසකෙලා මේ මොහොතේ කුසගිනි නීවීම සදහා ප්‍රමුඛතාවය දිය යුතු බව අද (30) පැවති මාධ්‍ය හමුවකට එක්වෙමින් මහාචාර්්‍ය තිස්ස විතාරණ පැවසීය.
මෙම මාධ්‍ය සාකච්ඡාව සදහා ශ්‍රී ලංකාවේ කොමියුනිස්ට් පක්ෂයේ ප්‍රධාන ලේකම් වෛද්‍ය ජී. වීරසිංහද සහභාගී වී සිටි අතර ඔහු සදහන් කලේ පවතින නව ලිබරල් වාදී ප්‍රතිපත්තියට එරෙහිව සටන් කිරීම සදහා ඉදිරියේදී වැඩ පිළිවෙළක් සකස් කොට සියලුම වමේ පක්ෂ මෙන්ම ජාතී හිතේෂී ව්‍යාපාර සමග සාකච්ඡා කිරීම සදහා මේ වන වාට කටයුතු සකස් කරමින් සිටින බවයි.
…ගමගේ…