චීන ආරක්ෂක අමාත්යවරයා රැගත් රථ පෙළ ගුවන් තොටුපොළේ සිට කොළඹ දක්වා පැමිණිමේ දී රථවාහන රාජකාරියේ යෙදී සිටි පොලිස් නිලධාරීන්ට බාධා කලේ යැයි පුද්ගලයෙකු අත්අඩංගුවට ගෙන තිබේ.
පසුගිය 27 වනදා රාත්රියේ බොරැල්ල ප්රදේශයේ දී අදාළ රථ පෙළට ගමන් කිරීම සඳහා මාර්ග කිහිපයක රථ ගමනාගමනය කෙටි කාලයක් සඳහා අත්හිටුවීමට පොලීසිය පියවර ගෙන තිබුණි. එයට විරෝධය පළ කරමින් රථ වාහන රියදුරන් පොලීසියට විරෝධතා දැක්වීම සඳහා නලා නාද කරමින් හූ කියනුද දක්නට ලැබිණි.