චක්‍රලේඛ නොතකා සේවයට කැඳවීමට එරෙහිව පැමිණිල්ලක්.
රාජ්‍ය සේවයේ නියුතු සංවර්ධන නිලධාරීන් හා අභ්‍යාසලාභීන් සෞඛ්‍ය නිර්දේශ හා චක්‍ර ලේඛ නොතකා සේවයට කැඳවීමට එරෙහිව අද (17) ඒකාබද්ධ සංවර්ධන නිලධාරී මධ්‍යස්ථානය විසින් මානව හිමිකම් කොමිසමට පැමිණිල්ලක් ඉදිරිපත් කලේය.
මේ අවස්ථාවට ඒකාබද්ධ සංවර්ධන නිලධාරී මධ්‍යස්ථානයේ ලේකම් ධම්මික මුණසිංහ හා ඒකාබද්ධ රැකියා විරහිත උපාධිධාරී සංගමයේ කැඳවුම්කරු තැන්නේ ඤාණානන්ද හිමියන් එක් විය.
එහිදී අදහස් දක්වමින් ඔවුන් සදහන් කළේ මේ වන විට සංවර්ධන නිලධාරීවරියක් කොවිඩ් රෝගයට ගොදුරු වී මිය ගොස් ඇති බවත් රාජ්‍ය පරිපාලන අමාත්‍යංශය විසින් නිකුත්කර ඇති එක්‍රෙල්ඛ නොතකමින් ආයතන ප්‍රධානීන් ඔවුන් දින 05ම සේවයේ යොදවන බවයි. මේ සම්බන්ධයෙන් ජනාධිපතිවරයා අගමැතිවරයා ඇතුළු අමාත්‍යංශ නිලධාරීන්ද මේ පිළිබදව ලිඛිතව දැනුවත්කර ඇති බවද ඔවුන් මෙහිදී පැවසීය.