“අපි සැවොම එකට” චන්දිමා රාසපුත්‍රගෙන් පාසල් උපකරණ.
දකුණු පළාත් අධ්‍යාපන අමාත්‍ය චන්දිමා රාසපුත්‍රගේ සංකල්පයක් මත දකුණු පළාතේ අඩු ආදායම්ලාභී පවුලුවල දුවා දරුවන්ට සහ තෝරා ගත් ආදර්ශ පාසල්වල සියළු දුවා දරුවන්ට පාසල් උපකරණ (පොත්,පොත් බෑග්,සපත්තු) බෙදා දීම මේ දිනවල සිදු කෙරේ. “අපි සැවොම එකට” තේමාව යටතේ මෙම වැඩපිළිවෙළ ක්‍රියාත්මක වන අතර මේ සඳහා මිලියන 20.5ක මුදලක් දකුණු පළාත් අධ්‍යාපන අමාත්‍යාංශය විසින් වැය කර ඇත.
හොඳම පාසල් පොත් බෑගයක්, හොඳම සපත්තු කූට්ටමක් හා පොත්පත් කට්ටලයක් මෙලෙස දකුණු පළාතේ දිළිඳු පවුල්වල දුවා දරුවන්ට ඉදිරි සතියේදී ලැබීමට නියමිතයි.
එහි සමාරම්භක උත්සවය පසුගියදා මාතර නූපේ මේධානන්ද කණිටු විද්‍යාලයේදී දකුණු පළාත් අධ්‍යාපන අමාත්‍ය චන්දිමා රාසපුත්‍රගේ ප්‍රධානත්වයෙන් පැවැත්විණ.
