අධ්‍යාපන වැඩ සටහන් නවතා යෝෂිතගේ රග්බි තරඟය පෙන්වයි.
පසුගිය (13) ජාතික රූපවාහිනියේ චැනල් අයි ඔස්සේ යෝෂිත රාජපක්ෂ සහභාගී වූ රග්බි ක්‍රීඩා තරඟය සජීවීව විකාශනය කර තිබේ. සුප්‍රීම් ටීවී නමින් මෙම මස අවසානයේ සිට දිවයින පුරා විකාශයන කිරීමට නියමිත නවතම රූපවාහිනි චැනලයේ පරීක්ෂණ කටයුතු සඳහා බව හෙළි වී ඇත.
මෙම රූපවාහිනී නාලිකාව යෝෂිත රාජපක්ෂට අයත් බව විවිධ අන්තර්ජාල ප්‍රවෘත්ති වෙබ් අඩවිවලින් හෙළිකර තිබේ. චැනල් අයි නාළිකාවෙන් විකාශනය කළ රග්බි තරඟය ලබා ගෙන ඇත්තේ සුප්‍රීම් ටීවී නම් මෙම නාළිකාවෙන් ය. අධ්‍යාපන වැඩ සටහන් නවතා දමා නොමිලේ මෙම තරඟාවලිය විකාශනය කර තිබිණි. මෙම තරඟය නැරඹීමට අගමැති මහින්ද රාජපක්ෂ, ශිරන්ති රාජපක්ෂ, ක්‍රීඩා ඇමති නාමල් රාජපක්ෂ සහ මහින්ද රාජපක්ෂ පවුලේ ලේලිවරුන් දෙදෙනා ද සහභාගී වී සිට ඇත.