පාන්පිටි මිල වැඩි කරමින් පාරිභෝගිකයන් අපහසුතාවට පත් කිරීමට කටයුතු කරන වෙළෙඳුන්ට එරෙහිව නීතිමය පියවර ගන්නා බව පාරිභෝගික අධිකාරිය ප්රකාශ කර තිබේ.
මේ සම්බන්ධයෙන් එහි ප්රකාශකයකු සඳහන් කර ඇත්තේ මීට පෙර සිව් වතාවක් මේ ආකාරයට පාරිභෝගික අධිකාරියේ අවසර නැතිව පාන්පිටි මිල වැඩි කරන්න කටයුතු කළ අවස්ථාවේදී නීතිමය පියවර ගැනීමට කටයුතු කළ නිසා ඒ අය මිල වැඩි කිරීමේ තීරණය අත්හැර දැමූ බවයි.
එබැවින් මෙවරද පාරිභෝගික අධිකාරියේ අවසරය නැතිව පාන්පිටි මිල වැඩි කිරීමට උත්සාහ කළොත් ඊට එරෙහිව නීතිමය පියවර ගන්නා බව එම ප්රකාශකයා පවසා ඇත.
කෙසේ වෙතත් ජනතාව චෝදනා කරන්නේ සීනි සහල් ඇතුළු නොයෙකුත් භාණ්ඩ සදහා පාලන මිලවල් නියමකර තිබුනද එම මිල ගනන් වලට බාණ්ඩ මිලට ගැනීම සදහා වෙළෙද පොළ තුල නොහැකි බවයි.