පාස්කු ප්‍රහාරයට යුක්තිය ඉල්ලා කොච්චිකඩේ සිට කටුවාපිටිය දක්වා ජන පවුරක්.
පාස්කු ප්‍රහාරයට වසර හතරක් සපිරෙන එළැඹෙන විසි එක් වෙනි දාට කොච්චිකඩේ සාන්ත අන්තෝනි දේවස්ථානයේ සිට කටුවාපිටිය ශාන්ත සෙබස්තියන් දෙව්මැදුර දක්වා ජන පවුරක් සකසන බව මැල්කම් රංජිත් කාදිනල් අගරදගුරු තුමන් සඳහන් කරයි. කොළඹ අගරදගුරු නිවසේ පැවැති ප්‍රවෘත්ති සාකච්ඡාවේදී කාදිනල් හිමිපාණන් මේ බව කියා සිටියහ.
අප්‍රේල් 21 වන දා පෙරවරු 08.00 සිට 9.00 දක්වා පැවැත්වෙන මෙම ජන පවුර මීගමු කොළඹ මහාමාර්ගයේ පාර දෙපස සිටගෙන සිටීම පමණක් සිදුකරන බවද අගරදගුරුතුමන් කියා සිටියහ.