ගාලු මුවදොර(ගෝල් ෆේස්) පිටියේ රැස්වීම් තහනම් කරයි.
ගාලු මුවදොර(ගෝල් ෆේස්) පිටියේ දේශපාලන රැස්වීම්, සංගීත සංදර්ශන හෝ වෙනත් එවන් කටයුතු සඳහා ඉදිරියේ දී අවසර නොදීමට තීරණය කර තිබේ.
ඒ අනුව ගාලු මුවදොර පිටිය මහ ජනතාවට නිදහසේ කාලය ගත කිරීම සඳහා පමණක් භාවිතා කිරීමට වෙන් කිරීමට කැබිනට් මණ්ඩල අනුමැතිය හිමි වී ඇත. තීරණය අප්‍රේල් මස 20 වන දින සිට ක්‍රියාත්මක වන අතර සුවිශේෂී ආගමික කටයුතු සඳහා පමණක් ගාලු මුවදොර(ගෝල් ෆේස්)ලබාදීමට අනුමැතිය ලැබී ඇත.
ගාළු මුවදොර පිටිය සංවර්ධනය කිරීම ශ්‍රී ලංකා වරාය අධිකාරිය රුපියල් මිලියන 220 ක මුදලක් වැය කිරීමට නියමිතව තිබේ.