ලංකා සමසමාජ පක්ෂය තුල පැවති කුමන්ත්‍රණය අවසන්.
පසුගිය දා ලංකා සමසමාජ පක්ෂයේ දේශපාලන මණ්ඩලය තුල පැවති අභ්‍යන්තර කුමන්ත්‍රණකාරී වැඩ පිළිවෙල ව්‍යර්ථ කර එහි ප්‍රධාන ලේකම් මෙන්ම පක්ෂ නායකයා ලෙස මහාචාර්ය තිස්ස විතාරණට සහාය දක්වන බව බහුතර මධ්‍යම කාරක සභිකයින් ප්‍රකාශ කර ඇත.
ඒ අනුව ඔවුන් තවදුරටත් තම කැමැත්ත හා මතය එලඹෙන ඉදිරි සම්මේලනය දක්වාම තිස්ස විතාරණට බව පවසන අතර ඒ බව සනාත කරමින් බහුතර පිරිස දිවුරුම් ප්‍රකාශ මගින් මැතිවරණ කොමිෂමට පවා දන්වා ඇත.
ඔවුන් ඒ බව කොමිෂමද තහවුරු කල බව ලංකා සමසමාජ පක්ෂයේ මධ්‍යම කාරක සභික චන්දන රණසිංහ පවසයි.
කුමන්ත්‍රණකාරී වැඩ පිළිවෙලක් තුලින් වමේ යැයි කියා ගන්නා පාර්ලිමේන්තු මන්ත්‍රවරයෙකු විසින් ලංකා සමසමාජ පක්ෂයේ නායකත්වය ලබා ගැනීම සදහා පසුගියදා සූදානම් වූ බවත් ඔහුගේ නමද (18) දිනයේ මාධ්‍ය හමුවක් පවත්වමින් එළි කරන බවත් එම පක්ෂයේ මධ්‍යම කාරක සභාව පවසයි.