නව මහාමාර්ග ඉදිකරනවා මෙන් සිංහල,දෙමළ,මුස්ලිම් සියලු දෙනා එකතු කරගෙන හදන අලුත් දේශපාලන පාරෙත් යන්න සුදානම් වියයුතු බව “නව මගක ඇරඹුම” ව්යාපෘතිය යටතේ බදුල්ල චෙන්කලාඩි මාර්ගයේ ඉදිකිරීම් ආරම්භ කිරීමේ උත්සව සභාව අමතමින් රාජ්ය අමාත්ය ඩිලාන් පෙරේරා පැවසීය.
එම නව දේශපාලන සංස්කෘතිය පිළිගැනීමට සුදානම් නැත්නම් සිදුකෙරෙන සංවර්ධනයෙන්ද පලක් නොවන බවයි අමාත්යවරයා ප්රකාශ කළේ.නැවත වරක් ආගම්වාදීන්ට,ජාතිවාදීන්ට,වර්ගවාදීන්ට අවශ්ය ආකාරයට කිරීමට ඉඩ තැබුවා හොත් ගොඩනගන නව මං මාවත් වලටද බෝම්බ දමන යුගය වැඩි ඈතක නොවන බව හෙතෙම අවධාරණය කළේය.ඒ නිසා මෙම වසර කුමන ප්රශ්න තිබුනත් අද අලුත් හෝ සංශෝධිත ව්යවස්ථාවක් මගින් ජනමත විචාරණයෙන් හෝ නොමැතිව ජාතික සහජීවනයෙන් නව මගකට යා හැකි වසරක් බව පැවසු අමාත්යවරයා අවධාරණය කළේ බලය බෙදන ව්යවස්ථාවක් ඇතිකර ගත යුතු බවයි.