බෙන්තොට දී බස් – ලොරි ගැටුමෙන් පුද්ගලයින් 15 තුවාල යි.
බෙන්තොට බෝධිය අසලදී බස් රථයක් හා ලොරි රථයක් ගැටීමෙන් පුද්ගලයින් 15 දෙනෙකු තුවාල ලබා ඇත . මාතර සිට කොළඹ දෙසට ධාවනය වූ පෞද්ගලික බස් රථයක් සහ කොළඹ සිට ගාල්ල දක්වා ධාවනය වූ ලොරි රථයක් මුහුණට මුහුණ ගැටී මෙම අනතුර සිදුවිය.
අනතුර හේතුවෙන් පැය 4ක පමණ කාලයක් ගාලු පාරේ දැඩි රථ වාහන තදබදයක් පැවති බව පොලීසිය සඳහන් කළේ ය. තුවාල ලැබූවන් බලපිටිය, කළුතර නාගොඩ සහ අලුත්ගම රෝහල්වල ප්‍රතිකාර ලබන බව රෝහල් ප්‍රකාශකවරු සඳහන් කළහ.