රනිල් කට්ටිය එක්ක සිංගප්පූරූ යයි.
අග්‍රාමාත්‍ය රනිල් වික්‍රමසිංහ තෙදින නිල සංචාරයකට 17 වනදා සිංගප්පූරුව බලා පිටත්ව යන අතර මහාචාර්ය මෛත්‍රී වික්‍රමසිංහ ද මේ සංචාරයට සහභාගි වන්නීය
මෙම සංචාරයේදී සිංගප්පූරු ජනාධිපති ටෝනි ටැන් කෙංයැම් මහතා සහ අග්‍රාමාත්‍ය ලී ෂීයැන් ලූං මහතා සමඟ ද්විපාර්ශ්වික සාකච්ඡාවන්ට සහභාගි වන වික්‍රමසිංහ මහතා 18 සහ 19 දෙදින සිංගප්පූරුවේ රැෆල්ස් නාගරික සම්මන්ත්‍රණ කේන්ද්‍රයේදී පැවැත්වෙන තුන්වන දකුණු ආසියානු ඩයස්පෝරා සමුළුවේ ආරම්භක සැසිවාරයේ මුඛ්‍ය දේශනය පැවැත්වීමට ද නියමිතය.
විදේශ අමාත්‍ය මංගල සමරවීර, සංවර්ධන උපාය මාර්ග සහ ජාත්‍යන්තර වෙළඳ අමාත්‍ය මලික් සමරවික්‍රමල අධිකරණ හා බුද්ධ ශාසන නියෝජ්‍ය අමාත්‍ය සාරතී මිත්‍රපාල ද මේ සංචාරයට එක්වෙති.