වැඩබලන අමෙරිකා සහකාර ලේකම්වරිය එයි.
දකුණු හා මධ්‍යම ආසියානු කටයුතු පිළිබඳ වැඩබලන ඇමෙරිකානු සහකාර රාජ්‍ය ලේකම් සහ ඇෆ්ගනිස්ථානය හා පාකිස්ථානය සඳහා වන වැඩබලන විශේෂ නියෝජිත ඇලිස් වෙල්ස් සංචාරයක් සඳහා ශ්‍රී ලංකාවට පැමිණෙන බව වාර්ථා වේ.
ආසියානු රටවල් කිහිපයක සංචාරයක් අතර වාරයේ දී ඇය මෙරටට පැමිණෙන අතර එම සංචාරය අද (28) ආරම්භවීමට නියමිත බව අමෙරිකානු රාජ්‍ය දෙපාර්තමේන්තුව ප්‍රකාශ කරයි. මේ මස 31 වැනිදා ඉන්දීය සාගර සමුළුව කොළඹ දී ආරම්භ වීමට නියමිතව තිබෙන අතර ඇලිස් වෙල්ස් ලබන මස පළමු වැනිදා එම සමුළුව ඇමතීමට නියමිතව තිබේ. ඉන්දියානු සාගර කලාපීය රටවල සාමය සංවර්ධනය සහ සෞභාග්‍යය පිළිබඳ එහි දි අවධානය යොමු කෙරේ.
වැඩබලන අමෙරිකානු සහකාර ලේකම්වරිය මෙරට රැඳී සිටින කාලය තුළ රජයේ ඉහළ පෙළේ නිලධාරීන්, සිවිල් සංවිධාන නියෝජිතයින් සහ ව්‍යාපාරිකන් සමඟ සාකච්ඡා කිරීමට නියමිතයි.