05 වැනිදාට කොළඹට ජන ගඟක්?
මහින්ද රාජපක්ෂ ගේ ආණ්ඩුවට සහය පළකිරීම සඳහා එළඹෙන 05 වැනිදාට කොළඹට ජන ගඟක් පැමිණෙන බව පාර්ලිමේන්තු මන්ත්‍රී මහින්දානන්ද අළුත්ගමගේ පවසයි. ඊයේ අග්‍රාමාත්‍ය කාර්යාලයේ පැවති මාධ්‍ය හමුවේදී ඔහු මේ බව සඳහන් කළේය.
ශ්‍රී ලංකා නිදහස් පක්ෂය, ශ්‍රී ලංකා පොදු ජන පෙරමුණ සහ එක්සත් ජනතා නිදහස් සන්ධානය නියෝජනය කරන ප්‍රාදේශීය සභා, පළාත්සභා නියෝජිතයන් ඇතුළු විශාල පිරිසක් මේ වෙනුවෙන් දැනටමත් සූදානම් බවත් මන්ත්‍රීවරයා සඳහන් කර සිටී.
ව්‍යවස්ථා විරෝධීව අරලියගහ මන්දිරයේ රැඳී සිටින රනිල් වික්‍රමසිංහට ඉන් ඉවත් වන ලෙසද එදින ජනතාව බල කරනු ඇතැයි මන්ත්‍රීවරයා වැඩිදුරටත් පැවසීය.