හිටපු ජනාධිපති රාජපක්ෂ අද (03) දින පැවැත්වෙන ආගමික උත්සවයක් සඳහා ආරාධනා ලබාදීමට මැදිහත්ව ක්රියා කැර තිබෙන්නේ නාරාහේන්පිට අභයාරාමාධිපති මුරුත්තෙට්ටුවේ ආනන්ද හිමියන් බව සඳහන් වේ.
හිටපු ජනාධිපති මහින්ද රාජපක්ෂ ඇතුළු දහහතර දෙනෙකුගෙන් යුතු කණ්ඩායමක් මේ වන විට ජපානයේ පෞද්ගලික සංචාරයක නිරතව සිටිති. (1)දා ජපානයට ගිය හිටපු ජනාධිපතිවරයා ඇතුළු කණ්ඩායම මෙම 10දා තෙක් ජපානයේ ගත කිරීමට නියමිතය.
හිටපු ජනාධිපති රාජපක්ෂ සමඟ ඔහුගේ පුත් යෝෂිත රාජපක්ෂ, පාර්ලිමේන්තු මන්ත්රීවරුන් වන ලොහාන් රත්වත්තේ සහ පියල් නිශාන්ත සහ හිටපු ජනාධිපතිවර ගේ පෞද්ගලික ලේකම් උදිත ලොකුබණ්ඩාර ඇතුළු දහහතර දෙනෙකුගෙන් සමන්විත කණ්ඩායමක් මෙම පෞද්ගලික සංචාරයට සහභාගී වී සිටියි.
හිටපු ජනාධිපති වරයා මෙම පෞද්ගලික සංචාරයේදී අද (03) ජපානයේ වකයාමා ප්රාන්තයේ පිහිටි මුරියෝකෝඉන් (MURYOKOIN) බෞද්ධ විහාරස්ථානයේ පැවැත්වෙන ආගමික උත්සවයකට සහභාගීවීමට නියමිතය.
ජය ශ්රී මහා බෝධියේ අංකුරයක් සහ සර්වඥ ධාතූන් වහන්සේ නමක් ඉහතකී බෞද්ධ විහාරස්ථානයට වැඩම කරවීම සම්බන්ධයෙන් මෙම ආගමික උත්සවය පැවැත්වෙයි.