රජයේ වෛද්‍ය නිලධාරීන්ගෙන් ඩෙංගු මඩින යෝජනා එයි.
දිනෙන් දින ඩෙංගු රෝගීන්ගේ සංඛ්‍යාව ඉහළ යාම නිසා රජයේ වෛද්‍ය නිලධාරීන්ගේ සංගමය විසින් ඩෙංගු රෝගය පාලනය කිරීම සඳහා කරුණු 08 ක යෝජනාවලියක් ජනාධිපතිවරයාට යොමු කර ඇත.
එම යෝජනා නම්,
1 පවතින තත්වය පිළිබඳ කොට්ඨාස මට්ටමින් සමාලෝචනය කිරීම.
2 මහජනතාව දැනුවත් කිරීමේ වැඩසටහන් වැඩි කිරීම.
3 මදුරු ඝනත්වය අවම කිරීම ඉලක්ක කරගත් පරිසරය පිරිසිදු කිරීමේ වැඩසටහන් දිවයින පුරා එකම වේලාවක ක්‍රියාත්මක කිරීම.
4 ඩෙංගු මර්දනය ඉලක්ක කරගත් විධිමත් ග්‍රාමීය කමිටු ජාලයක් ස්ථාපිත කිරීම.
5 දැනට පවතින සෞඛ්‍ය පද්ධතිය වඩාත් ශක්තිමත් කිරීම.
6 පෞද්ගලික අංශයේ දායකත්වය වඩාත් හොඳින් සම්බන්ධීකරණය හා නියාමනය කිරීම.
7 ඝන අපද්‍රව්‍ය කළමනාකරණය සඳහා ජාතික ප්‍රතිපත්තියක් සැකසීම.
8 නීතිය ක්‍රියාත්මක කිරීම යනාදිය ඔවුන්ගේ යෝජනාවලියේ ඇතුළත් වේ.