පසුගිය දා ඇති වූ ඛනිජ තෙල් සේවක වර්ජනයෙන් රට පුරා ජනතාව පීඩාවට හා අපහසුතාවයකට පත් වූ අතර පසුගිය 26 වෙනිදා ජනාධිපතිවරයා සමඟ පැවති විශේෂ සාකච්ඡාවකින් පසුව සිය වෘත්තීය ක්රියාමාර්ග දින කීපයක් අත්හිටුවීමට ලංකා ඛනිජ තෙල් වෘත්තීය සමිතිය ක්රියා කළේය.
නමුත් ජනාධිපතිවරයා තමන්ව නොමඟ යවා ඇති බවට සැකයක් මතු වන බව ඛනිජ තෙල් වෘත්තීය සමිති එකමුතුව පවසා ඇත. එසේම පවතින ගැටලුකාරී තත්වය හමුවේ හෙට (අගෝස්තු 01) ජනාධිපතිවරයා සමඟ නැවතත් සාකච්ඡාවක් පැවැත්වෙන බවද දැනගන්නට ඇත.
හම්බන්තොට වරාය ගිවිසුම අත්සන් කිරීම නිසා ජනාධිපතිවරයාගේ ක්රියා කලාපය පිළිබඳ සැකයක් මතුව ඇති බවත් හෙට පැවැත්වෙන සාකච්ඡාවෙන් අනතුරුව ඛනිජ තෙල් වෘත්තීය සමිති එකමුතුව ඉදිරි ක්රියාමාර්ගයකට එළඹෙන බවත් වාර්ථා වේ.