2008 වසරේදී රඹෑව ප්රදේශයේ තරුණයෙකුට කොරියාවේ රැකියාවක් ලබාදෙන බව පවසමින් රුපියල් ලක්ෂයක මුදලක් ලබා ගැනීම සම්බන්ධයෙන් පවරා තිබූ නඩුවකට වරදකරු වූ රඹෑව ප්රාදේශීය සභාවේ හිටපු සභාපති රනිල් මාධව කමල් නිළමේ, හට බරපතල වැඩ සහිත වසර 13 ක සිර දඬුවමක් කොළඹ මහාධිකරණ විනිසුරු ගිහාන් කුලතුංග විසින් ඊයේ නියම කර ඇත. අල්ලස් කොමිසම විසින් පවරා තිබූ මෙම නඩුවට තීන්දුව ප්රකාශයට පත්කළ විනිසුරුවරයා විත්තිකරුට රුපියල් 40,000 ක දඩ මුදලක්ද නියම කර ඇති අතර අදාළ හිර දඬුවම වසර 5 කින් ගෙවී යන ලෙස නියෝග කළේය.