2016 වර්ෂය දකුණු කොරියාවට ශ‍්‍රමිකයින් වැඩියෙන්ම ගිය වර්ෂයයි.
මෑත ඉතිහාසයේ දකුණු කොරියාවට ශ‍්‍රමිකයින් විදේශගත වූ වැඩිම වර්ෂය ලෙස 2016 වර්ෂය හැඳින්විය හැකි බවත් එය ප‍්‍රමාණාත්මකව 6635 වන බවත් විදේශ රැකියා අමාත්‍ය තලතා අතුකෝරළ සඳහන් කළාය. ඇය මෙම අදහස් ප‍්‍රකාශ කලේ, ඊශ‍්‍රායල් රාජ්‍යයේ කෘෂිකාර්මික අංශයේ රැකියා අවස්ථා හිමි ශ‍්‍රමිකයින් 19 දෙනෙකු සඳහා ගුවන්ටිකට්පත් ලබා දීමේ අවස්ථාවට පසුගියදා විදේශ රැකියා ඒජන්සි ආයතනයේදී එක්වෙමිනි.
”ශී‍්‍රී ලංකීය ශ‍්‍රමිකයින්ට දකුණු කොරියාව තුල හොඳ රැකියා වෙළඳපොළක් පවතින අතර ඒ සඳහා පිටත්ව යන ශ‍්‍රමිකයින් තම යුතුකම සහ වගකීම නිවැරදිව හඳුනාගත යුතු බවත් සිය සේවා කාලය අවසන් වීමෙන් පසු නැවත දිවයිනට පැමීනීමේ වගකීම ශ‍්‍රමිකයින් සතුවන බවත්, 2015 වර්ෂයේ දී දකුණු කොරියාව සඳහා ශ‍්‍රමිකයින් 5006 දෙනෙකු පිටත්ව ගොස් ඇති අතර 2016 වර්ෂයේදී එය 1529 ක ප‍්‍රමාණයකින් වැඩි වී තිබේ. එසේම 2017-08-09 වන දින වන විට ශ‍්‍රමිකයින් 2134 දෙනෙකු පිටත්ව ගොස් තිබෙන බව කියා සිටි
මේ වන විට කොරියාවේ කි‍්‍රයාත්මක වන පොදු සමා කාලය තුලදී කොරියාවේ නීති විරෝධීව රැඳී සිටින ශ‍්‍රමිකයින් හට නැවත පැමිණීමට අවස්ථාව උදාවී තිබෙන බවත් එම අවස්ථාවෙන් උපරිම ප‍්‍රයෝජන ගන්නා ලෙසත්. ඊශ‍්‍රායල් රාජ්‍යය තුලත් ශ‍්‍රී ලාංකික ශ‍්‍රමිකයින්ට ලැබී තිබෙන අවස්ථාවෙන් උපරිම ප‍්‍රයෝජන ගෙන තම සේවා කාලය තුලදී උපයාගන්නා මුදල් වලින් ඵලදායී ආයෝජනයක නිරතවන ලෙසත් ඊශ‍්‍රායලයේ රැකියා අවස්ථාවන් ආරක්ෂා කිරීමේ වගකීම පවතින්නේ පිටත්ව යන ශ‍්‍රමිකයින් සතුව බවයි. මේ වන විටත් සේවා කාලය ඉක්මවා නීතිවිරෝධීව ශ‍්‍රමිකයින් 61 දෙනෙක් ඊශ‍්‍රායලයේ රැඳී සිටින බවත් ඒ හේතුවෙන් ඊශ‍්‍රායලයේ රැකියා අවස්ථා ලැබීමේ අවධානමක් ඇති වී තිබෙන බවත් සේවා කාලයෙන් පසු නැවත දිවයිනට පැමිණීම තම වගකීමක් ලෙස සලකන ලෙසත් එසේ නැවත නොපැමිණෙන අයට නීතිය කි‍්‍රයාත්මක කරන බවත් අමාත්‍යවරිය මෙහිදී සඳහන් කළාය.