ව්යවස්ථා මෙහෙයුම් කමිටුවේ අතුරු වාර්ථාව එළැඹෙන අගෝස්තු 23 වැනිදා අවසන් කිරීමට මෙහෙයුම් කමිටු සාමාජිකයින් බලාපොරොත්තු වුවද ශ්රී ලංකා නිදහස් පක්ෂයේ ප්රමාදය නිසා බලාපොරොත්තු වන දිනට වාර්ථාව අවසන් කර ගත නොහැකි වන බවට වාර්ථා වේ. මෙහෙයුම් කමිටු රැස්වීමක් ඊයේ (10) පැවැත්වීමට සූදානම් වී තිබුණද රවී කරුණානායකගේ ඉල්ලා අස්වීමත් සමඟ රැස්වීම පැවැත්වීමට නොහැකි වී ඇත. කෙසේ හෝ ඊයේ මෙහෙයුම් කමිටු සාමාජිකයින් පිරිසක් රැස්වී අගෝස්තු 22, 23 දිනවලදී වාර්තාව අවසන් කිරීමට බලාපොරොත්තු වන බැවින් ඒ වන විට මෙහෙයුම් කමිටු වාර්තාවේ අදහස් පිළිනොගන්නා කණ්ඩායම්වල විකල්ප අදහස් පාද සටහන් ලෙස යෙදීම සඳහා ලිඛිතව ඉදිරිපත් කරන ලෙස ඉල්ලා ඇති බවත් වාර්ථා වේ.එසේ වුවත් ශ්රී ලංකා නිදහස් පක්ෂ අමාත්යවරයෙකු ප්රකාශ කර ඇත්තේ එම දිනයන් වන විට ශ්රීලනිප විසින් ලිඛිතව ඉදිරිපත් කිරීමට නියමිත යෝජනා ඉදිරිපත් කළ නොහැකි බවයි.