අන්තර්ජාල මිතුරුකම් ප්‍රවේශමෙන්.
කාන්තාවන් සමඟ අන්තර්ජාලය හරහා මිතුරු වී විවාහා කරගන්නා බවට පවසා යතුරු පැදියකින් පැමිණ කාන්තාවන්ගේ රන් භාණ්ඩ හා දේපළ කොල්ලකන ලද සැකකරුවෙකු, කොල්ලකන ලද දේපළ හා අපරාධය සිදු කිරීමට යොදාගත් යතුරු පැදියක් සමඟ මිරිහාන විශේෂ අපරාධ මෙහෙයුම් ඒකකයේ නිලධාරීන් විසින් අත්අඩංගුවට ගෙන ඇත.
අත්අඩංගුවට ගත් සැකකරු සම්බන්ධයෙන් වැඩිදුර විමර්ශන සිදුකිරීමේදී පාදුක්ක, කළුතර උතුර හා දෙහිවල යන පොලිස් වසම්වල දේපළ හා මුදල් මංකොල්ලකෑම් රැසකට ඔහු සම්බන්ධ බව අනාවරණය වී ඇත. නිවිතිගල ප්‍රදේශයේ පදිංචිකරුවෙකු වූ සැකකරු අද (14) ගල්කිස්ස මහේස්ත්‍රාත් අධිකරණය වෙත ඉදිරිපත් කිරීමට නියමිතය.