නීතිපති දෙපාර්තමේන්තුව ජනපති අතට ?
ජනාධිපති නිල නිවසේදී පැවති සාකච්ඡාවකදී මාධ්‍යවේදීන් නැඟූ ප්‍රශ්නයකට පිළිතුරු දෙමින් ජනාධිපතිවරයා කියා සිටියේ, තමන් නීතිපති දෙපාර්තමේන්තුවේ වරදක් නොදකින බවය.
එහිදී වැඩිදුරටත් අදහස් දැක්වූ ජනාධිපතිවරයා ප්‍රකාශ කර ඇත්තේ නීතිපති දෙපාර්තමේන්තුවට නිදහසේ වැඩකරගෙන යාමට අවස්ථාව ලබාදිය යුතු බවයි.මෙරට තිබූ කොමිෂන් සභාවලට වඩා බැඳුම්කර කොමිසමේ වෙනසක් රටේ ජනතාවට දැකිය හැකි බවත් බැඳුම්කර කොමිසම හොඳින් වැඩ කටයුතු සිදුකරමින් කොමිෂන් සභා පිළිබඳ ජනතාව තුළ තිබූ අවිශ්වාසය බිඳදමා තිබෙන බවත්, ජනාධිපතිවරයා ප්‍රකාශ කර ඇත.
මෙතෙක් එම කොමිසමේ කටයුතු සිදුවූ ආකාරයෙන් ඉදිරියටද සාර්ථකව සිදුවේ යැයි තමන් විශ්වාස කරන බවත් පක්‍ෂ භේදයකින් තොරව, කවුරු හෝ වංචාව දූෂණ සිදුකර තිබේ නම් ඒ සඳහා නීතිය ක්‍රියාත්මක කිරීම ඇතුළු නීතිමය කටයුතු පියවරෙන් පියවර ඉදිරියට යා යුතු බවත් ජනාධිපතිවරයා අවධාරණය කර ඇත.