මහනුවර සිසුදරුවන් 6000 ක් අපහසුතාවයට.
මෙවර පැවැත්වූ අ.පො.ස. උසස් පෙළ විභාගයේ ඇගයීම් මධ්‍යස්ථානයක් ලෙස සැප්. 07 සිට 18 දින දක්වා මහනුවර විහාරමහා දේවි බාලිකා විද්‍යාලයේ යොදා ගැනීමට විභාග දෙපාර්තමේන්තුව විසින් ගෙන තිබූ තීරණය පසුව මහනුවර ඞී.එස්. සේනානායක විද්‍යාලයට මාරු කිරීමට තීරණය කර ඇති අතර අදාල තීරණය විභාග දෙපාර්තමේන්තුව විසින් ඇගයීම් මධ්‍යස්ථාන නිළධාරින්ට ලිඛිතව දැනුම් දීමට කටයුතු කර ඇති අතර අදාල පාසල් වල ගුරුවරුන් හා සිසුදරුවන් දැනුවත් කිරීමටද විදුහල්පතිවරුන්ට උපදෙස් දී ඇත.
නමුත් හිටිහැටියේ එනම් ඊයේ (04) නැවත තම තීරණය වෙනස් කර, පෙර තීරණය කළ පරිදි මහනුවර විහාරමහාදේවි විද්‍යාලයේම මෙම ඇගයීම් මධ්‍යස්ථානය පැවැත්වීමට තීරණය කළ බව දුරකථන මගින් දැනුම් දී ඇත.
විභාග දෙපාර්තමේන්තුවේ මෙම අත්තනෝමතික කි‍්‍රයාකලාපය නිසා මේ වන විට එම පාසල් දෙකේම ගුරුවරුන්, විදුහල්පතිවරුන් මෙන්ම හයදහසක් පමණ වන සිසු දරුවන් ද තම පාසල් ආරම්භය පිළිබඳව බරපතල ගැටලූකාරී තත්වයකට මුහුණ දී ඇති බව වාර්තා වේ.