බලපත්‍ර නොමැතිව සිප්පිකටු ප්‍රවාහනය කළ ලොරි දෙකක්අත්අඩංගුවට.
ත්‍රිකුණාමලය – අනුරාධපුරය මාර්ගයේ කනදරාව හන්දිය ප්‍රදේශයේදී බලපත්‍ර නොමැතිව කුඩුකරන ලද සිප්පි කටු අඩංගු උර 600 (කිලෝ 30,000) ලොරි රථ දෙකකින් ප්‍රවාහනය කරමින් සිටි සැකකරුවන් දෙදෙනෙකු ලොරි රථ දෙක සමඟ අත්අඩංගුවට ගෙන ඇත.
සැකකරුවන් වැලිමඩ හා කන්තලේ ප්‍රදේශවල පදිංචිකරුවන් බව සඳහන් වේ. එම සැකකරුවන් පොලිස් ඇප මත මුදාහැර ඇති අතර ඔවුන්ට අද (06) දින අනුරාධපුර මහේස්ත්‍රාත් අධිකරණය වෙත ඉදිරිපත් වන ලෙස නියෝග කර ඇති බවද සඳහන් වේ.