“කලණ මිතුරු – පොත් සුමිතුරු” අද ඇරඹේ.
කලණ මිතුරු – පොත් සුමිතුරු” පාසල් සිසුන්ගේ කියවීමේ රුචිය වර්ධනය කිරීමේ වැඩසටහනේ සමාරම්භක අවස්ථාව ජනාධිපති මෛත්‍රීපාල සිරිසේන ගේ ප‍්‍රධානත්වයෙන් අද (06) කොටුව ජනාධිපති මන්දිරයේදී පැවැත්වේ.
ලබන මාසයට යෙදෙන ජාතික කියවීමේ මාසයට සමගාමීව ජනාධිපති කාර්යාලයේ සංවර්ධන හා විශේෂ ව්‍යාපෘති අංශය මගින් මෙම වැඩසටහන ක්‍රියාත්මක කරනු ලබන අතර, සමබර පෞරුෂයකින් හෙබි දරුවෙකු බිහිකිරීම සඳහා දැනුමෙන් පෝෂණය කිරීම මෙන්ම සාහිත්‍ය රසවින්දනයට හුරු කරවීම මෙමගින් අපේක්ෂා කෙරේ.
මෙහි පළමු අදියරේදී දිවයින පුරා පිහිටි උසස් පෙළ පන්ති සහිත පාසල් 2820 සඳහා වැඩසටහන කි‍්‍රයාත්මක කෙරේ.
එම පාසල් සඳහා සිංහල, දෙමළ හා ඉංග්‍රීසි මාධ්‍යයෙන් ලියවුණු පොත් කට්ටල 2 බැගින් ලබාදීමට නියමිතය.
දීප ව්‍යාප්ත මට්ටමින් තරගාවලියක් පවත්වා පොත් කියවීම පිළිබඳව දරුවන්ගේ උනන්දුව වර්ධනය කිරීමේ වැඩසටහනක් ද මේ හා සමගාමීව ක්‍රියාත්මකය.