ආණ්ඩුවට කොරියන් ණය
ආණ්ඩුව කොරියාවෙන් අමෙරිකානු ඩොලර් මිලියන 300ක ණය මුදලක් ලබා ගෙන තිබේ. ඊට අදාළ ගිවිසුමට මුදල් අමාත්‍යාංශයේ ලේකම් ආර්.එස්.එස්. සමරතුංග සහ ශ‍්‍රී ලංකාවේ කොරියානු තානාපති වොං සෑම් චෑං විසින් අත්සන් කළේය.
සමුද්‍රීය අධ්‍යාපනය, මාර්ගස්ථ අධ්‍යාපන ක‍්‍රමවේද සහ මහනුවර නාගරික ප‍්‍රවාහන ජාලය සංවර්ධනය කිරීම සඳහා මෙම ණය මුදල යොදවන බව මුදල් අමාත්‍යාංශය කියයි. වසර 10ක සහන කාලයක් සහිතව වසර 40කින් ගෙවා නිම කිරීම සඳහා මෙම ණය මුදල ලබා ගෙන තිබේ.